أشعار - الإمارات اليوم

أشعار

هلا ابنور الفجر

هَلا ابْنوُرْ اْلفَجِرْ زَاحْ الظَّلاَمِي

                         هَلا بِهْ ألفْ تَرْحِيبه أَوْحِيِّـه

هَلاَ بِهْ عَدّ مِزْنٍ في غِمَامِـي

                         وما هَبَّتْ نِسِيـمْ اْلمِطْلِعِيّـهْ

أَقَدِّمْ لِهْ تحيّـاتْ أوْ سَلامـي

                         جِوابٍ يـوم بَـادَرْ بِالتّحِيِـهْ

فِهيمْ أوْيِفْهَمْ إلْ مَعْنَى كَلامي

                      لِبيِبْ الْعُـودْ لَفْتاتِـهْ ذِكِيّـهْ

مَعَاه إيتمّ إنْسِي وانْسِجَامـي

                     إبْدُونِهْ حَاِلتي حَالِـهْ شِجِيّـه

طباعة